Asteburuan esan bezala, alde batetik Paris – Tours eta bestetik Ruddervoorde-n Superprestigeko lehen probak ospatu dira. Bietan, belgiarrak nagusi izan dira. Frantzian, Greg Van Avermaet (BMC) izan zen azkarrena Marcato (Vacansoleil) bigarren eta Klostegaard (Saxo Bank) hirugarren. Belgikan aldiz, hiru belgiar izan ziren podiumean: Albert (Bkcp), Aernouts (Rabobank) eta Vantornout (Sunweb – Revor).
Aipatu genuen bezala, Paris Tours, esprinterren lasterketa moduan ezagutu arren, askotan ihesaldiak izan dira nagusi eta aurtengoan ere, horrela gertatu da. 60 kilometro falta zirela, alboko haizeak jotzen zuen eta haize babesak medio, taldetxo batek aurrea hartzea lortu du. Azken kilometroetan, Arnaud Gerard (jubeniletan munduko txapeldun ohia) zailatu den arren, Van Avermaet eta Marcato izan dira taldetxo horretako indartsuetnak eta biko esprintean jokatu dute garaipena.
Ruddervoordeko ziklo krosean, ohitura den bezala, belgikarrak izan dira jaun eta jabe. Hasiera, Zdenek Stybar munduko txapeldun txekiarrak, erritmo gogorra jarri du eta kosta zaie berari jarraitzea. Ala ere, erorikoak eta matxurak medio, Quick Step-eko txirrindulariak atzera egin du eta Niels Albertek, momentu hori aprobetxatu du aurre hartzeko eta azkenik, belgikako txapelduna izan da azkarrena, Superprestigeko lehen proba honetan.
—————————————————————————————————–
Valladoliden, azkarrena, Hirumet taldeko Egoitz Murgoitio izan zen. Proba honetan, bi izen aipatu behar dira. Batetik, Jonhatan Lastra bizkaitarrarena eta Pablo Rodriguez galiziarra. Biak lehen urtea dute afizionatu mailan eta biak, Hirumet taldean dabiltza eta lehen lasterketan gausa politak egiteko gai direla erakutsi dute.
