Lokatza Ziklismo Eskola

Denboraldian zehar egiten hari diren bezala, Klasikan ere, Sumofic-Igartuako txirrindulariak irudi paregabea eta emaitza oso ona izan dute larunbatean Aian ospatu zen Gipuzkoako Klasikan. Guztira 187 txirrindularik hartu zuten parte aurreikusitako 103 kilometroak burutzeko eta hauen artean, estatu osoko autonomi bakoitzeko selekzioak, gipuzkoako taldeekin batera.

Lasterketa bizi-bizi hasi zuten ohi den legez, hainbat ihesaldi saihakera ezberdinekin. Baina, Santio Errekatik Aiara dagoen maldararte ez zen tropela zatitu. Igoera horretan, David Casillas madrildarra aurreratu zen, Miguel Ángel Aguilera, José María Rodriguez eta Cristian Rodriguez andaluziarrekin eta Oscar Gonzalez, Gaztela Manchakoarekin batera. Atzetik tropel nagusia segundu gutxitara zihoalarik eta tropel nagusi horretan, Lokatzako, Asier Taboada, Jon Aranzabal, Julen Irizar eta Etxabe anaiak zihoazen.  Bigarren igoeran baina, erorikoa izan zen Aiara igotzeko bigarren aldian eta Etxabetarrak ezik, beste guztiak moztuta geratu ziren.

Azken igoeran, atzean moztuta geratu zirenak, aurrera egin zuten postuak irabaziz. Etxabetarrek aldiz, tropel nagusian egon ziren lasterketa osoan. Azkenik, David Casillas garaile, Oscar Gonzalezen aurretik eta  Miguel Ángel Aguilera hirugarren. Jokin Etxabe, Euskadirekin haritu zela, 18. sailkatu zen.

Aipatzekoa, Sumofic-Igartua izan zela, kontrol barruan hiru txirrindulari helmugaratu zuen talde gipuzkoar bakarra eta selekzioez aparte, talde onena bezala agertu zen.

Gipuzkoako Klasika sailkapena:

1.- David Casillas (Madrid) … 2h 25′ 37″

2.- Oscar Gonzalez (Castilla La Mancha) … d.b.

3.- Miguel Ángel Aguilera (Andalucía) … d.b.

…

18.- Jokin Etxabe (Euskadi) … 55″

29.- Beñat Etxabe (Sumofic-Igartua) … 1′ 33″

43.- Julen Irizar (Sumofic-Igartua) … 5′ 36″

63.- Asier Taboada (Sumofic-Igartua) … 9′ 31″ F.c.

79.- Jon Aranzabal (Sumofic-Igartua) … 10′ 44″ F.c.

92.- Xabier Gallastegi (Sumofic-Igartua) … 12′ 17″ F.c.

Bihar larunbata, infantil, alebinek eta kadeteek dute zita. Aurreneko biek, Aretxabaletan izango dute lasterketa arratsaldeko lauretan hasita. Kadeteek berriz, zapatu atsaldean ere izango dute hitzordua, hauek baina, Zarautzen lehiatu beharko dira arratsaldeko 16.15tik aurrera.

Kadeteek 53 kilometroko ibilbidea izango dute eta kostatik, Zumaiaraino joan eta Oikia-Iraeta-Aizarnabal ibilbideari bi itzuli eman ostean, Meagas igo beharko dute, gaina, helmugatik 5 kilometro eskasera kokatuta dagoelarik.

Domekan ere, Lokatzako txirrindulariek badute lasterketarik eta kasu honetan, jubenilen txanda izango da. Egun bakarreko lasterketarik garrantzitsuena lehiatzeko aukera izango dute Sumofic-Igartuako txirrindulari jubenilek Aian ospatuko den Gipuzkoako Klasikoan. Lasterketaren berezitazuna, selekzio autonomikoen partaidetza da eta hauekin batera, gipuzkoako talde jubenilak. Beraz, Aian, Andaluzia, Aragoi, Gaztela Leon, Gaztela Mancha, Extremadura, Illes Balears, Valentzia, Catalunya, Nafarroa, Galizia, Asturias eta Kantabria izango dira irteera puntuan. Hauekin batera, Araba, Bizkaia eta Iparraldeko selekzioak eta Espainiako elite mailako emakumeen selekzioa ere. Esan bezala, hauen guztien artean, gipuzkoako taldeak eta tartean, Sumofic-Igartua taldea. Aipatu, Jokin Etxabe egiten hari den denboraldi bikaina kontutan izan dutela Euskal selekzioko arduradunek eta horregatik, Sumofic-Igartuako maillota defendatu beharrean, Euskadi ordezkatuko du domekan ospatuko den lasterketan.

Ibilbideari dagokionez eta Aian izango dela kontutan izanda, aldapa izango dutela argi dago. Guztira 103 kilometro izango dute aurretik eta Aiara hirutan igo beharko dute txirrindulariek, ibilbide gogorra izango da eta hori gutxi balitz, iragarritako eguraldiak, are eta gehiago gogortuko die eguna, lasterketan izango diren 200 txirrindulariei.

Lokatzak, afizionatuak ez dituen arren, gaur egun Lokatzatik pasata maila horretan dabiltzan hainbat txirrindulari daude eta hauek, zapatuan Lazkaon goizeko hamarretan eta domekan, Duranan goizeko 9.30 izango dute euren zita.

Urtzi Muguruza antzuolarrari Goienak eginiko elkarrizketa hemen.

Apirilaren 14an, Elgoibarren izan zuten zita jubenilek aste honetan. Lasterketa egun euritsu batean ospatu zen guztira 126 txirrindulari batu ziren irteeran, aurreikusita zueden 92 kilometroak egiteko. Irteera aterturik hasi zuten baina, zeruak eskainitako barealdi bakarra izan zen, hortik aurrera, euria eta euria izan zuten txirrindulariek ibilbide osoan zehar. Eguraldia lagun izan ez zen arren, bataz besteko abiadura oso haundia atera zuten txirrindulariek (44,91 Km/h).

Hasierako ihesaldi sahiakeren ostean, hamabikote bat sortu zen, bertan, Sumofic-Igartuako Asier Taboada eta Julen Irizar sartu ziren eta hauen eta tropelaren artean egin zen beste taldetxo baten, Txomin Larrañaga, nahiz eta taldetxo honek, oso gutxi iraun zuen tartean. Aurrean egin zen ihesaldian, Sumofic-Igartuako txirrindulariak izan ziren borondate gehien jarri zuten txirrindulariak, bakarrak ez esatearren, beste txirrindulariak begira zeudelarik. Ala ere, eta tropela oso bizkor joan arren, ihesaldiak 70. kilometrorarte iraun zuen.

Kalbarion gora, Elgoibarrera jeitsi aurretik, Jokin Etxabe, indartsuenen pare agertu zen eta mendatea igo ostean egin zen lehen taldetxoan sartu zen. Azken kilometroan baina, Ander Alonsok aurre hartu eta Caja Ruralendako garaipen berri bat eskuratu zuen. Bigarren, Iker Azkarate talde berekoa eta hirugarren Jokin Etxabe bera sartu zen. Taldeka Sumofic-Igartua, bigarren geratu zen zapatuko lasterketan.

Jokin Etxabe egiten hari den denboraldi hasiera bikaina, ez zaio Euskal selekzioko ordezkarie pasa eta hurrengo domekan Aian jokatuko den Gipuzkoako Klasikarako deitu dute Etxabe.

Elgoibarko Sailkapena:
1.- Ander Alonso (Caja Rural) … 2h 2′ 55″
2.- Iker Azkarate (Caja Rural) … d.b.
3.- Jokin Etxabe (Sumofic-Igartua) … d.b.
…
16.- Beñat Etxabe (Sumofic-Igartua) … 45″
18.- Asier Taboada (Sumofic-Igartua) … 45″
23.- Jon Aranzabal (Sumofic-Igartua) … 55″
36.- Julen Irizar (Sumofic-Igartua) … 2′ 25″
39.- Xabier Gallastegi (Sumofic-Igartua) … 2′ 35″
64.- Txomin Larrañaga (Sumofic-Igartua) … 4′ 15″

Taldekako Sailkapena:
1.- Caja Rural
2.- Sumofic-Igartua
3.- Beola Motor

Afizionatu mailako lasterketaren bideo laburpena. Mikel Aristi, bigarren sailkatu zen.

Apirilak 8an, Agurainen ospatu zen Euskal Herria torneoko lehen proban, Bergararrak guztiz protagonista izan ziren lasterketan. Iaz bezala hasi dute torneoa, taldeka irabazten, Caja Ruralen aurretik. Horrez gain, Jokin Etxabek bigarren postua lortu zuen, helmugara heldu zen hirukotean, esprintean, 2. postua eskuratuta. Horrez gain, Beñat anaiak, hamarren barruan sartzea lortu zuen 6.

Augraineko ibilbidea benetan gogorra izan zen. Opakua mendatea bi alditan igo behar izan zuten eta bukaeran, Santa Teodosia, ehuneko 17ko pendintzak dituen 4 kilometroko mendatea.

Agurain sariko Sailkapena:

1.- Aitor Morales (Zirauna-Iturribero) … 2h 6′ 34″

2.- Jokin Etxabe (Sumofic-Igartua) … d.b.

3.- Mikel Azkoiti (Lizarte) … d.b.

…

6. Beñat Etxabe (Sumofic-Igartua) … 9″

13.- Julen Irizar (Sumofic-Igartua) … 21″

40.- Jon Aranzabal (Sumofic-Igartua) … 2′ 54″

82.- Xabier Gallastegi (Sumofic-Igartua) 9′ 46″

Taldeka:

1.- Sumofic-Igartua

2.- Caja Rural

3.- Arabarrak

Lokatzan ibilitako txirrindulari bergararrak, zapatuan Pitillasen ospatutako Euskaldun Torneorako (Elite-sub23) proban 2. postua eskuratu zuen. Lasterketako protagonista, haizea izan zen. Hasieratik alboz izan zuten txirrindulariak eta tropela mila pusketatan banandu zen. Jubeniletan erakutsi zuen moduan eta oso gustoko duen egoeran, Aristi primeran moldatu zen eta sortutako lehen taldetxoan egotea lortu zuen. Helmugarako, 2 kilometro faltan, Bidelan-Kirolgiko txirrindulari Ibai Daboz Lezotarrak erasoa jo zuen eta Aristiren taldean zihoazenak ez ziren konpondua aldea murrizteko. Hortaz, garailea, Daboz bera izan zen eta hurrengo taldetxoko azkarrena, Mikel izan zen. Lasterketako bataz besteko abiadura, oso haundia izan zen, 42.9 Km/h-koa.

Pitillaseko Sailkapena (sailkapen guztia ez daukagunez, ezin dugu beste bergararren emaitzarik eman):

1.- Ibai Daboz (Bidelan-Kirolgi) … 2h 46′ 43″

2.- Mikel Aristi (Debabarrena) … 3″ ra

3.- Antonio Angulo (Azysa-Conor) … d.b.

Goiena Telebistak eginiko erreportajea, hurrengo zapatuan Oñatin jokatuko den erlojupekoaren ibilbidearena. Protagonistak, Debabarrenan hari diren afizionatu mailako Bergararrak eta Kanpanzar Harrobiak tladeko txirrindulariak izan dira.

Hirugarren astez jarraian, Sumofic-Igartua taldeko Urtzi Muguruza antzuolarrak, garaipena lortu du. Kasu honetan, Elgoibarren, zapatu atsaldez ospatu zen lasterketan. Antzuolarra esprintean gallendu zen Elgoibarko kaleetan.

XXIII. Premio Elgoibarko LT
1.- Urtzi Muguruza (Sumoifc-Igartua) … 1h 16′ 08″
2.- Dani Mayora (Inoxcra Beasain) … d.b.
3.- Aratz Olaizola (Galdiano Eraikuntzak) … d.b.
…
33.- Aritz Kortabarria (Sumofic-Igartua) .. d.b.
34.- Jon Fernandez (Sumofic-Igartua) … d.b.

————————————————————————————————

Jubenilak aldiz, zapatu goizean izan zuten zita Debako Amaikak bat sarian. Kasu honetan ez dute garaipenik lortu, baina denboraldian zehar erakutsi duten lan ona, aste honetan ere azaleratu dute. Garaipena Iker Azkaratek lortu zuen eta 16 lehenegoetan Sumofic-Igartuak hiru txirrindulari sartu zituen eta honekin, taldekako bigarren postua eskuratu zuten, Caja Ruralen atzetik. Kontutan hartu behar da, Caja Rural taldean, txirrindulari askoz gehiago direla.

XXXIX. Amaikak bat saria

1.- Iker Azkarate (Caja Rural) … 2h 13′ 50″

2.- Xabier Gorrotxategi (Galdiano Eraikuntzak) … d.b.

3.- Peio Olaberria (Caja Rural) … d.b.

…

7.- Jokin Etxabe (Sumofic-Igartua) … 50″

10.- Asier Taboada (Sumofic-Igartua) … 50″

16.- Jon Aranzabal (Sumofic-Igartua) … 1′ 20″

25.- Beñat Etxabe (Sumofic-Igartua) … 1′ 30″

35.- julen Irizar (Sumofic-Igartua) 4′ 44″

43.- Xabier Gallastegi (Sumofic-Igartua) … 5′ 48″

53.- Iñigo Agirrezabal (Sumofic-Igartua) … 7′ 28″

Taldeka

1.- Caja Rural

2.- Sumofic-Igartua

3.- Cartonajes Limousin

Dagoeneko salgai dago Lokatzak aurten etara duen diseinu berriaren arropa. Interesik duenak, Biciprecisión Igartua edo I2 kirolera gerturatu besterik ez du eta bertan, emango dizkiote azalpen guztiak. Honi buruzko informazio gehiago, web honetako DENDA atalean aurkituko duzue.

Gogoratu, emakumeendako arropa ere badagoela.