Lokatza Ziklismo Eskola

Asteburu honetan, Lokatzako gazteek lana badute. Batetik, jubenilak eta 2. urteko kadeteak, Azkoitian harituko dira domeka goizean, 9.00tik aurrera hain zuzen ere. Bertan izango dira, Eneko Lizarralde, Hodei Orobengoa, Asier Taboada, Andoni Lasa eta 2. urteko kadeteak diren Txomin Larrañaga eta Julen Irizar.

Beste alde batetik, Mikel Aristi, espainiako jubenil mailako selekzioarekin kontzentraturik dago eta domekan, 10.00tik aurrera elite eta sub23-kin lehiatuko da Amurrion, euskaldun torneoko proba batean.

Bihar, abuztuko erdialdean urtero gertatu bezala, Zarautzen jubenil eta kadete mailetako gaueko Kriteriuma jokatuko da eta bertan izango dira, nola ez, Sumofic – Lokatza taldeko txirrindulariak.

Lasterketa, Azken Portu auzoko kaleetan ospatuko da, bertako jaietako programan sartuta. Esan bezala, kadete eta jubenil mailako neska mutikoak harituko dira. Kategoria bakoitzak bi froga izango ditu: puntukako lasterketa eta eliminazioa. Lehen proba gaueko hamarretan hasiko da eta gutxi gora behera gauerdian banatuko dizkiote irabazleei sariak.

Benetan ikuskizun eta iniziatiba polita Zarautzeko Txirrindulari Elkarteak  orain urte batzuk izan zuena.

www.ciclismociclistas.com webgune katalanari ezker, ondoren, Mikel Aristi garaile izan den Iruñerriko Itzuliko bideo sorta polita.

Taldeen aurkezpena:

Lehen etapa Villatuerta – Villatuerta:

Bigarren etapa Tafalla – Tafalla:

Bigarren etapako sari banaketa:

Hirugarren etapa Mutilva Baja – Iruñea:

Hirugarren eta azken etapako sari banaketa:

Abuztuan, opor hilabetea den arren, Lokatzako txirrindulariek badute zer eginik. Kadeteek amaitu dute beraien denboraldia, azken lasterketa, Mutilvan izan zuten, Nafarroan, jubenilek Iruñerriko Itzuliko bizperako egunean.

Sumofic – Lokatzako txirrindulariak izango diren hurrengo lasterketa etxe ondoan izango da, Soraluzen hain zuzen ere. Baina, jubenilen lasterketan, Soraluzen hasi eta iraila bukaeran denboraldia amaitu bitartean, 2. urteko kadeteen partaidetza baimentzen da. Hortaz, hemendik aurrera, hainbat kadete ikusiko ditugu jubenilekin batera.

Esan bezala hurrengo lasterketa Soraluzen izango da, 10.30 hasita. Helmuga, San Andrés auzoan egongo da kokaturik eta guztira 75 kilometro egin beharko dituzte. Lokatzatik, urtean zehar haritu diren jubenilez gain, Txomin Larrañaga eta Julen Irizar kadeteak ere harituko dira, beraz, ordezkaritza zabal izango du taldeak.

Abuztuko beste lasterketa batzuk:

• Abuztuak 14 Azkoitia
• Abuztuak 16 Villatuerta, Euskal Herria Torneoko azken proba.
• Abuztuak 20 Ibarra
• Abuztuak 27 Urretxu

Mikel Aristik, Iruñerriko Itzulian lortutako garaipenaren azken kilometroko irudi ikusgarriak, Tafallako alde zaharreko harbidean.

Tafallako azken kilometroa

Azken eta hirugarren etapan, Aristik berriz ere, erakustaldia eman du, gaurkoan baina, Andalucia Cajagranada taldeko Daniel Jimenez eta Francisco Jose Medinarekin egin du aurrera. Erasoa etapako azken portua jeisten jo dute hirurek helmugarako 30 kilometro luze geratzen zirela. Hirurek segituan heldu dira akordiora, Andaluziarrentzat etapa eta Sumofic-Lokatzakoarendako sailkapena. Aipatu Medina, selekziokide izan du Aristik Europako txapelketan. Horrela ba, liderrarekiko aldeak berehalda handitu dira minutu terditik gorako aldea lortu duten arte, nahiz eta atzetik, 15 txirrindulariko taldea zetorren lanean, aurreko hiruren kontra.

Dagoeneko 9 garaipen lortu ditu eta itzuliei dagokionez, korritu dituen hirutatik, bi irabazi (Gipuzkoa eta Iruñeakoa) eta bestean 7. (Bizkaia) sailkatu da. Oraingoan baina, Espainiako talderik onenen kontra lehiatu da, Espainiako ranking-ean lehendabiziko postuetan dauden talde guztien kontra irabazi du Mikelek, horrela erakutsi du, Estatuko selekzioan egotea ez dela kasualitate hutsa izan.

Aldi berean, erregulartasunaren saria eta sprint bereziena ere irabazi ditu, mendikoa puntu gutxigatik galdu duelarik.

Gaurkoan denboraldiko 8. garaipena lortu du Bergararrak Tafallan jokatu den Iruñerriko Itzuliko bigarren etapan. Lasterketa, Miguel Indurain belodromoan hasten zen, txapeldun haundi baten izena duen belodromoan eta bertan gailendu da Sumofic – Lokatzako Aristi, txapeldun haundi baten moduan.

Hasiera hasieratik ihes egin du beste hamaika lagunekin San Martin de Unx-era bidean egin diren haize babesak medio. Bergarakoak, ohituta ez dagoen arren, horrelako egoeretan primeran mugitzen dakiela erakutsi du, haizeak gaur, oso gogor jo baitu sahietsetik.

Bada, tartea zabaltzea asko kostatu zaie eta ez da horrelakorik gertatu, etapako bigarren mendi puntuagarrira iritsi diren arte. Hatzetik beste hiru batu zaizkie eta pelotoiari 2 minutuko aldea atera diote, bertan lasterketako liderra zegoelarik.

Helmugarako 2o kilometro faltan, taldeak ia 4 minutuko aldea zuen tropelarekiko eta Aristik, Artajonan taldea murriztea erabaki du lehenbizi eta ondoren, haizaren kontrako lana bakarrik egitea erabaki du, atzetik, lau txirrindulari zituelarik. Azkenean helmugan lehen postua eskuratu du eta sailkapenako 3. postua kokatu da, liderrarengandik 25 segundu eskasera.

Beraz, zergatik ez, bihar urteko bigarren itzulia irabaz dezake nahiz eta kontrarioak gogorrak izango dituen, Mutilva Baja eta Iruña bitartean jokatuko den, hirugarren eta azken etapan.

Bukatu da  2011ko Lokatzako Tour Porra eta  urtero bezala Sari Banaketa egin dugu Bergaran Ariznoa taberna inguruan.

Irabazlea UNAI KAREAGA izan da 1.509 punturekin eta 4.470 € bereganatu du

2º Saria.-  JEKER 1.493 punturekin eta 2.235 €

3º Saria.- ENEKO LIZARRALDE 1.483 punturekin eta 1.341 €

«Zabala Jatetxea» Saria .- JESUS MARI LARRAÑAGA

«Lehen Euskalduna» Saria.- MIREIA LARRAÑAGA

«Apustularien» saria.- JUANITO

Hemendik, gure Zorionak irabazleei, ezkerrak parte hartu duzuen guztioi ta animoak datorren urtean laguntza eskainiz, egin nahi duzuen denori. Beste bat arte eta bitartean ondo izan.

LOKATZAKO TOUR PORRA ANTOLATZAILE TALDEA