Bihartik aurrera hasita, eta ostiralera bitartean, Sumofic – Lokatzako txirrindulariak XXV. Iruñerriko Itzulian hartuko dute parte. Iazko ekitaldian ere izan ziren Lokatzako gazteak itzulian lehenengoz taldearen historioan. Beste ekitaldi batzuetan ere, izan dira Lokatzako txirrindulariak, baina utzita beste talde batzuetan. Joan den urteko ekitaldian aldiz, talde moduan aurkeztu zen eta aurtengoan ere, zilarrezko esteilak betetzen duen urtean, izango dira. Guztira hiru etapa izango dira, lehenegoa Villatuerta – Villatuerta eta 85 kilometroko luzekoa. Bigarrena, Tafallan hasi eta bukatuko da 92 kilometro burutu ostean eta azkena, Mutilva Bajan hasi eta Iruñako kaleetan bukatuko da 98 kilometro egin ondoren.
Sumofic-kin batera beste 34 talde izango dira irteeran, beraz, guztira 35 talde izango dira eta 200 txirrindulari inguru. Taldeak, Nafarroatik, Errioxatik, Gipuzkoatik, Arabatik, Bizkaiatik, Frantziatik, Andaluziatik, Valentziatik, Catalunyatik, Gaztela Manchatik. Aragoitik, Madrildik, Gaztela Leondik eta nesken UCI maila talde bat ere. Beraz parte hartze anitzaz gain herrialde ezberdin asko ordekatuak izango dira. Egongo diren taldeen artean, esanguratzuenak Andalucia – Caja Granada, Navalcarnero, Pyrinees Atlantiques, Lyon Sprint Evolution, Cajamar Almeria izango dira. Ala ere, Sumoficeko txirrindulariak badakite hauen kontra lehiatzea zer den eta badakite, hauen aurretik ibiltzen ere, beraz, taldearen asmoa iaz bezala, etapa garaipena lortzea da nahiz eta, sailkapen nagusia baztertuko ez den.
Aldi berean, Iruñerriko Itzuliak, aukera paregabea eskeintzen du txirrindulariak bere formakuntzan ziklismoaren arlo berriak ezagutu dezaten. Alde batetik 200 txirrindulariko tropela egotea eta bertan mugitzen jakitea. Bide estuak ere izango dituzte beraz, posizioa mantentzen jakin beharko dute. Eta azkenik, polite eta zailena dena, haizea. Tafallan jokatuko den etapan, haizea espero da eta saihetsetik jo ezkero, haize babesak sortzeko arriskua egongo da eta hau, lokatzako gazteentzat ezohiko egoera izango da. Beraz, teknika horretan trebatzeko aukera ere izan dezakete.
Joan den ostiralean Jokin eta Beñat Etxabe anaiak, biak Sumofic – Lokatza taldeko txirrindulariak, Noveldako 61. Trofeo Santa Maria Magdalenan hartu zuten parte 87 kilometro luze zituen ibilbidean. Lasterketa herri barruan prestatutako zirkuitu batean jokatu zen. Beñat Etxabek, 35. postua eskuratu zuen helmugan eta Jokin anaiak, bi luzaturen ondorioz, lasterketa utzi beharrean aurkitu zen.
Hurrengo egunean, zapatuan, Castellarren ere lasterketa egon zen (Enrique Velarte Oroitzarrea) eta bertan Jokin Etxabek hartu zuen parte, Beñatek, atseden hartzea erabaki zuen bitartean. Kasu honetan, Jokin, hainbat ihesalditan parte hartu zuen baina, tropelak ez zuen barkatu eta azkenean 53. postua eskuratu zuen.
Aipatu, biak han dauden bitartean, Orbea profesional taldean dabilen Victor Cabedoren anaia José Cabedok, zuzentzen duen Cerámicas Onda taldearen laguntza jasotzen dutela lasterketan zehar, hala nola, ura, zulatuetan ordezko gurpilak… beraz, Lokatzatik, ezkerrak eman nahi dizkiogu Cerámicas Onda taldeari eta lagun den José Cabedori.
Azken urteetako ohiturari jarraituz, Lokatza Ziklismo Eskolak antolatutako aurtengo Tour Porrako sari banaketa; datorren asteartean uztailak 26, arratsaldeko zortziretan izango da, horretarako Ariznoa inguruan jarriko dugun postuan
SARIAK:
Porrako arauek dioenez; Lehenengo, bigarren eta hirugarren sailkatuak, apostuen %50, %25 eta %15eko diru kopurua jasoko dute; beraz 4.470 € irabazleak, 2.235 € bigarren sailkatuak, eta 1.341 € hirugarrenak
BESTE SARI BATZUK
82garren sailkatua: ZABALA Jatetxeak, bere sorreraren 82urteurrena dela ta Sari bat emango dio Porran 82garren gelditu denari : Jesus Mari Larrañaga
LEHEN EUSKALDUNARI
Tourreko Sailkapenean lehen Txirrindulari Euskalduna Haimar Zubeldia izan da. Hau jarrita daukaten apostularien artean zozketa egin ondoren Mireia Larrañaga irabazle
ZOZKETA BEREZIA
Saririk jaso ez dutenen artean zozketa bat egingo da bertan gaudenonartean; horretarako bakoitzak bere apostu papera sartuko du kutxatxoan eta horretariko batek eramango du saria
Atzoko egunez Ordizian, Gipuzkoako taldekako erlojuaren kontrako txapelketa jokatu zen, dagoeneko ohitura bihurtu den ibilbidean. Txapelketa kadete eta jubenil mailako txirrindulariendako jokatu zen eta bertan Sumofic Lokatza taldeak, lau talde ezberdin aurkeztu zituen. Kadete mailan, bosteko talde bat eta beste bi txirrndulari Azpeitiko Lan Mobel taldearekin mixtoa eginez. Ondoren lehiatu ziren jubenilen artean, Lokatzako bi talde egon ziren, baina azken orduko bajak zirela eta, bata hiru txirrindularikoa eta bestea laukoa.
Taldekako erlojupekoan, gehienez bost txirrindularik har dezakete parte eta gutxienez hiruk, izan ere, taldeko hirugarren txirrindulariak ematen dio taldeari denbora. Ibilbideak ere, bi kategoriendako desberdinak ziren. Kadete mailako txirrindulariek 23 kilometro burutu behar izan zuten. Irteeran bigarren taldea Sumoficeko bi txirrindulariek Azpeitiko Lan Mobel taldearekin egindako talde mixtoa izan zen. Hasiera oso ondo joan ziren, Alegiko itzulian buztita zegoen bihurgune batean hiru lurrera erori ziren arte. Hor aukera guztiak galdu zituzten eta taldeko bi txirrindulari erretiratu behar izan zuten.
Bosteko taldeak aldiz, 20 segundu eskasengatik galdu zuen podimuen lekua eta laugarren postuarekin konformatu behar izan zuen. Hauek ere, arazoak izan zituen antolakuntzako auto batekin eta taldeko txirrindulari bat erori zen.
Jubeniletan, esan bezala, azken orduko bajak egon ziren eta aurkeztutako bi taldeak txirridnulari gutxiagorekin urten behar izan zuten. Lehen taldea hiru txirrindularirekin osatu zen: Asier Taboada, Andoni Rico eta Jon Aranzabal. Hauek 13. postua eskuratu zuten.
Jubeniletako bigarren taldea lau txirrindulariz osatu zen, Mikel Aristi, Xabier Gallastegi, Andoni Lasa eta Eneko Lizarralde. Beste taldeak baino bat gutxiago izan arren, podiumeko hirugarren postua eskuratu zuten helmugan.
Joan den zapatuan, uztailak 16an, Europako txapelketak ospatu ziren italiako Offida herrian eta bertan, Lokatza taldeko Mikel Aristi izan zen parte hartzen Espainiako selekzioak hautatuta. Azken itzuliraino aurreko taldean ibili ondoren, azken itzuli horretan, kontaktua galdu eta 68. postua eskuratu zuen. Ona hemen, berarekin izandako elkarrizketa eta jasotako inpresioak:
Esan, ze moduz Italia aldetik?
Oso ondo, esperientzia ikaragarria eta polita. Taldeki izan direnekin eta espedizioko beste pertsona guztiekin ere oso ondo. Jatekoa ere, batez ere pasta, oso ona, ikusten da nondik datorren jaki hori.
Lasterketa nola joan zen?
Gogorra, oso gogorra. Zirkuituak malda luze bat zuen eta hori bakarrik ez, helmuga eta helmugatik pasa ondoko ibilbidea ere goruntza zen. Gora beheratsua oso. Lasterketa aurreko hitzaldian, hautatzaileak tropeleko lehen postuak mantentzeko eskatu zigun, erorikoak saihesteko eta esfortzu gutxiago eskatzen duelako. Aldi berean, bakarrik inora ez juteko eskatu zigun, maila honetako lasterketetan esfortzuak ondo neurtu behar direlako. Jatekoa eta batez ere edana zaintzeko ere, beroa haundia izan zelako.
Eta zer moduz moldatu zínen?
Egia esan, azken itzulirarte nahiko ondo. Tropeleko lehen hogehi postuetan ibili nintzen lasterketa osoan azken itzulian ezik, bapatean indar gabe geratu nintzen. Alde batetik normala ikusten dut. Orain arte, 90 kilometrotatik gorako hiru – lau lasterketa besterik ez ditut lehiatu eta europako txapelketak 124 zituen. Anoi puntuetan ibiltzen nintzen lehen aldia ere izan zen eta ondo moldatu nintzen poltsa hartzen, ur potoak hartzen etb. beraz, alde horretatik ere pozik.
Beraz, esperientzia polita?
Ikaragarria. Oso ona. Benetako txirrindularitzaren maila zein den ikusteko aukera izan dut. Orain arte, Gipuzkoan edo Euskal Herrian haritu naiz, tarteta estatu mailan ere, baina ez dago konparatzerik. Italian, Europa oso txirrindulari onenak daude, errusiarrak, frantsesak, alemaniarrak, belgiarrak, italiarrak… eta denak, oso onak, denak aurrean egon nahi eta denak lekua lortu nahian.
Eta italiarrak hain argiak al dira?
Bai, bai. Joan aurretik, fama zuten eta han, hori horrela dela ikusi dut. Heldulekua sartzen. Nere taldekide izan den Fran Medinari sorbaldatik helduta lekua nola kentzen saiatu ziren ikusi nuen. Ukalondoak erabiltzen ere ikusi nituen. Heldulekua behin baino gehiagotan modu txarrez sartu zidaten. Hirugarrenean baina, ikasi nuen eta ez ziren gehiago saiatu. Alde horretatik, tentsioa eta aurrean egoteko dagoen benetako borroka nolakoa den ikasi dut. Orain Tourrean dauden erorikoen zergatia ulertzen dut, lasterketan zehar, eroriko mordo bat egon ziren, batez ere, lehen bi itzulietan eta gehienak, boxeetan erotzen ziren ur poto eta poltsengatik.
Hautatzaileak lasterketa ondoren zer esan zizun?
Zoriondu egin ninduen, ni eta taldekideak ere. Oso pozik zegoen, izan ere Miguel Ángel Benitok 9. postua lortu zuen eta Joaquin Torresek 16. Talde bezala itxura oso ona eman genuela adierazi zigun eta lasterketan zehar kokapen oso ona izan genuela.
Nola ikusten duzu beste herrialdeekiko zuek daukazuen maila?
Frantziarrak oso indartsu ikusi nituen. Bi domina lortu zituzten baina lasterketan zehar ere protagonista nagusiak izan ziren. Hala ere, maila hobea baino, esperientzia gehiago dutela esango nuke beste herrialdeetako txirrindulariek. Eurak beti daude nazioarteko lasterketetan parte hartzen, beraz, bidaietara eta ibilbide luzeetara ohituak daude.
Eta orain zer?
Asteburuan Gipuzkoako taldekako erlojuaren kontrako txapelketa daukagu eta iazko 3. postua hobetzea da asmoa. Ondoren, uztailak 27 eta 29 bitartean, Iruñerriko Itzulian egongo gara talde osoa eta ea iaz bezala, etaparen bat irabazterik daukagun.
Jokin Etxabe Sumofic – Lokatza taldeko txirrindulariak, pasa den asteburuan Valenciako Torrent herrian jokatu zen lasterketan hartu zuen parte eta bertan, 12. postua eskuratu zuen.
