Esan bezala, abuztua opor garaia den arren, Lokatza Ziklismo Eskolako txirrindulariek badute lasterketarik. Soraluzen Mikel Aristik lortu zuen garaipenarekin hasi zuten Sumofic-ekoek hilabetea. Ondoren, Azkoitian lehiatu ziren eta Hodei Orobengoak 4.. eta Eneko Lizaraldek 5. postua eskuratu zuten. Bi egun geroago, Villatuertan, Euskal Herria Torneoko azken puntuagarria ospatu zen eta sailkapen horretan bigarren postuan Eneko Lizarralde zegoen eta sailkapen nagusiaren bila irten zen taldea. Hasiera kilometrotik gogotsu agertu ziren eta ordurarte lider zen Aitor Rey atzean ustea lortu zuten. Azkenean baina, Asier Unanuek lortu zuen garaipena eta sailkapena. Ala ere, pozik zegoen taldea, garesti saldu baitzuten garaipena.
Azken bi asteetan, Mikel Aristi izan da protagonista. Batetik, Amurrion afizionatuekin korritu zuen eta jubenila izan arren, sprintean, 16 postua eskuratu zuen. Amurrioko lasterketaren ondoren, Espainiako selekzioarekin, Dinamarkako sari nagusian hartu du parte, UCIko nazioetako kopan. Bertan, selekzio indartsuenak haritu dira eta azken sailkapenean 21. postua eskuratu du, azken etapan, taldeki izan den Miguel Angel Benitorentzat lan eskerga egin ondoren. Aipatu, azken etapa horretan, zirkuituan kilometroko harri bidea zuen, Giroan izan zrenak baino okerragoa.
Mikel Dinamarkan zegoen bitartean, taldekideak Ibarran lehiatu ziren eta ihesaldian sartu ez ziren arren, erantzukizuna hartu zuten pelotoian eta ihesaldira gerturatzea lortu zuten arren, azkenean, egindako lana ordaindu zuten. Dena den, lan ona.
