Denboraldiari amaiera ezin hobea emateko, Sumofic – Lokatza taldeko txirrindulariak asteburuan jokatu den Udazkeneko Kriteriumean gaillendu dira, bai sailkapen nagusian zein taldekako sailkapenean. Larunbateko etapan, Martutene eta Hernani bitartean egindako 71 kilometroetan, azkarrena Aristi bergararra izan zen, helmugara iritsi zen hamaika txirrindulariko taldean.
Etapa horretan, Jokin Etxabe lehen urteko jubenila eta Eneko Lizarralde ere, lasterketa protagonistak izan ziren hainbat ihesalditan sartuta eta helmugara pelotoi nagusitik aurreratuta iritsi zirelarik. Gaur igandean Aia 84 kilometrotan zehar, Sumofic-ek zuen lasterketa kontrolatzeko ardura eta hasieratik aurkariak erasoka hasi zaizkie. Ala ere, taldeak ondo erantzun die eraso horiei, sortu diren taldetxo guztietan ordezkari bat sartuz. Adibidez, taldetxo batean, Hodei Orobengoa eta Eneko Lizarralde sartu dira, azken hau, lider birtuala ere izan delarik hortaz, beste talde batzuk egin behar izan dute lan atzetik. Azkenik, Aiara egin behar izan duten bi igoeretan, Aristik bere nagusitasuna erakutsi du eta Aiako jaitsieran aurrera egin du Eneko eta Hodei zihoazen taldea gertu zutelako eta hauek biak, Aiako azken igoera bideratu diote. Beste alde batetik, Jokin Etxabe, Andoni Rico, Asier Taboada eta Jon Aranzabalek, tropela lotzeko lanean jardun dute, lana primeran eginez.
Azkekin, Aristik etapan bigarren postua eskuratu du baina sailkapen nagusia irabazi du. Lizarralde 7., Orobengoa 9., Etxabe 21., Taboada 26. eta Aranzabal 27. Taldekako sailkapen nagusian ere, Sumofic – Lokatza izan da azkarrena.
