Beste behin, Lokatzako taldeek hainbat proba ezberdinetan hartuko dute parte hurrengo zapatu eta domekan.
Lehenengoak, Sumofic-Igartuako kadeteak izango dira Zumaiako sarian parte hartzen, zapatu goizean. Ondoren, atsaldez, bi zita dituzte «Lokatzarrek», batetik, alebin eta infantil mailako txirrindulariek, taldekako erlojuaren kontrako Gipuzkoako txapelketa daukate Hernanin eta jubenilek, Oñatin, Arantzazura igoera, iaz Aristi garaile izan zen eta aurten ere, Sumofic-Igartua taldekoak, faboritoen artean daude.
Azkenik, domekan, jubenilek asteburuko bigarren zita izango dute. Kasu honetan Mutrikun jokatuko den errepideko Euskal Herriko txapleketa izango dute. Hemen ere, zaila izango den arren, Sumofic-Igartuako txirrindulariak, aurrean egotek faboritoen artean daude, Euskal Herria Torneoko lehen proban ikusi zen bezala. Orduan, Sumofic-Igartua izan zen taldeka garaile eta Jokin Etxabe bigarren, beraz, bihar ere, aurrean egoteko gogoarekin irtengo dira. Ahastu gabe, Mutrikuko lasterketako azken garailea, kasu honetan ere, Aristi izan zela iaz.
